பயிற்சி ஒப்படை ஒன்றை நிர்வகித்தல்

பயிற்சி ஒப்படை ஒன்றானது சாதாரண ஒப்படையிலும் சிறிது வித்தியாசமானது. இதில் பின்வரும் மூன்று பகுதிகள் உண்டு.

  1. பயிற்சி அமைத்தல் பல மதிப்பீட்டுக் கூறுகளை உருவாக்குவதன் மூலம் மாணவர்களுக்குத் தாம் ஒப்படைகளைச் செய்ய ஒரு அடிச்சட்டம் கிடைக்கும். அத்துடன் புள்ளி வழங்கலும் எழுந்தமானமானதாக இருக்காது. (மேலதிக விவரங்களுக்குத் தரப்படுத்தற் தாளைப்பார்க்க.)

    மதிப்பீட்டுக் கூறுகளை அமைத்த பின்னர் ஆசிரியரானவர், மாணவர் செய்ய வேண்டிய வேலைகளை விவரித்து ஒரு Word Document ஐ அல்லது HTML கோப்பை உருவாக்க வேண்டும். இக்கோப்பானது மாணவருக்கு அவர்களது பயிற்சியின் 2ம் படியில் காட்டப்படும்.

    விரும்பினால் ஆசிரியர் அதே போன்ற வேறு பயிற்சியை உருவாக்கி பதிவேற்றலாம். எல்லாப் பயிற்சிகளையும் மதிப்பிட ஒரே மதிப்பீட்டுப் படிவம் பயன்படுவதால் எல்லாப் பயிற்சிகளும் ஒரே போல இருக்க வேண்டும். ஒன்றிற்கு மேற்பட்ட பயிற்சிகளைப் பதிவேற்றல் விருப்பத் தேர்விற்குரியது. அத்துடன் சில ஒப்படைகளுக்கு அவை பொருந்தா.

  2. மாணவர் மதிப்பீடுகளையும் சமர்ப்பிப்புகளையும் அனுமதித்தல். ஒப்படையானது மாணவர்களுக்கு இப்போது திறக்கப்பட்டிருக்கும். ஆசிரியர் பல பயிற்சிகளை உருவாக்கி இருந்தால் மாணவர் வெவ்வேறு பயிற்சிகளைக் காண்பர், அல்லது ஒரே பயிற்சியைக் காண்பர்.

    மாணவர் முதலில் மதிப்பீட்டுப் படிவத்தை நிரப்ப வேண்டும். இதைச் செய்ததும் அவர்களுக்குப் பதிவேற்றும் படிவம் காட்டப்படும்.

    மாணவர் வேலையைச் சமர்ப்பித்ததும் ஆசிரியர் மதிப்பிடத் தொடங்குவார். மதிப்பீடானது மாணவரது சொந்த மதிப்பீட்டிலிருந்து தொடங்கும். மதிப்பிடப்படாத பகுதிகள் அடையாளப்படுத்திக் காட்டப்படும். இறுதியில் மாணவரை மீள்சமர்ப்பிக்க அனுமதிப்பதா இல்லையா எனத் தீர்மானிக்கலாம்.

    மாணவர் மீள்சமர்ப்பிக்கும் போது மதிப்பீடானது ஆசிரியரது பழைய மதிப்பீட்டிலிருந்து தொடங்கும். பல சமர்ப்பிப்புகளின் போது இறுதித் தரமாக அதி சிறந்ததை எடுப்பதா அல்லது சராசரியை எடுப்பதா என ஆசிரியர் தீர்மானிப்பார்.

    காலவரையின் பின்னர் சமர்ப்பிக்கப்படும் வேலைகள் பிந்தியதாக அடையாளப்படுத்தப்படும். இருப்பினும், ஆசிரியர் விரும்பினால், அதைச் சாதாரணமாகத் திருத்தலாம். ஆனால் வேறு பட்டியல்களில் சமரப்பித்த தினம் சிவப்பில் காட்டப்படும். வழங்கப்பட்ட தரமும் சிவப்பில் காட்டப்படும். இவ்வகைத் தரங்கள், இறுதித்தரத்தில் சேர்த்துக் கொள்ளப்படுவதில்லை. இருப்பினும், ஆசிரியர் விரும்பினால், நிர்வாகப் பக்கத்திற்குச் சென்று பிந்தியதாக அடையாளப்படுத்தியதை நீக்கலாம். அதன் பின்னர் அது, காலவரையினுள் கிடைத்ததாகக் கருதப்படும்.

  3. மொத்தத் தரங்களையும் முன்னணி அட்டவணையையும் காட்டுதல் இதன்போது மாணவர்கள் தமது இறுதித் தரங்களைக் காணலாம்.

    இறுதிப்படியில் மாணவர் ஒரு வேலையையும் சமர்ப்பிக்க முடியாது. ஆசிரியர் விரம்பினால், அதி சிறந்ததாகக் கருதப்படும் வேலையை, எல்லோரும் பார்க்கும் வகையில் வைக்கலாம்.

    மாணவர்களது தரத்தின் வரிசைப்படி காட்டப்படும் முன்னணி அட்டவணையும் காட்டப்டும். மாணவர் ஒன்றிற்கு மேற்பட்ட சமர்ப்பிப்புகளை மேற்கொண்டிருந்தால், அவற்றில் அதி சிறந்தது மட்டும் காட்டப்படும். காட்டப்படும் தரங்கள் ஆசிரியர் இட்டவையாக இருக்கும். காட்டப்பட வேண்டிய பதிவுகளின் எண்ணிக்கை 0 ஆக இருந்தால் இவ்வட்டவணை காட்டப்பட மாட்டாது.

பயிற்சியின் மொத்தத் தரமாக மாணவரது சொந்தத் தரமும் ஆசிரியரது தரமும் சேர்த்துக் கொள்ளப்படும். இவ்வலகுகளுக்கான அதிகூடிய புள்ளிகள் எப்போதும் மாற்றப்படலாம்.

ஒப்படையின் எந்தப் படியிலும், ஆசிரியர் நிர்வாகப் பக்கத்தைத் திறந்து, வேலைகளை மதிப்பிடவும், மீள் மதிப்பிடவும், சமர்ப்பிப்புகளையும் அவற்றின் மதிப்பீடுகளையும் நீக்கவும் முடியும்.