Параўнанне ацэнак

Пры выкананні практыкаванняў пэўная частка працы звычайна ацэньваецца двойчы. Студэнт ацэньвае сваю работу перад тым, як здаць яе, а выкладчык потым яшчэ раз ацэньвае яе. Кропкай адліку для ацэнкі, якую робіць выкладчык, з'яўляецца ацэнка студэнта. Практыкаванне дазваляе выкладчыку надаць частку бала студэнцкай ацэнцы, рэшта складнікаў бала утрымліваецца ў ацэнцы выкананага практыкавання выкладчыкам. (Максімальныя балы называюцца адпаведна "Бал для ацэнак студэнтаў" і "Бал для пададзеных работ".) Трэба адзначыць, што бал са студэнцкай ацэнкі не выкарыстоўваецца. Студэнцкай ацэнцы даецца бал, які базуецца на тым, наколькі яна супадае з ацэнкай выкладчыка.

Ступень адпаведнасці ацэнкі студэнта і выкладчыка базуецца на розніцы у мноствах асобных элементаў (фактычна, выкарыстоўваюцца квадраты рознасці). Сярэдняе гэтых розніц трэба канвертаваць у бал, які будзе мець сэнс. Опцыя "Параўнанне ацэнак" дае выкладчыку пэўную ступень кантролю пры канвертаванні параўнанняў у балы.

Для таго, каб мець уяўленне пра тое, які эфект мае гэтая опцыя, возьмем (дастаткова просты) прыклад ацэнкі, якая ўключае 10 пытанняў кшталту Так/Не. Напрыклад, для ацэнкі можна выкарыстоўваць пытанні кшталту "Ці слушна адфарматавана табліца?", "Ці падлічаны даход роўны $100.66?" і г.д. Будзем меркаваць, што мы маем 10 такіх пытанняў. Калі мы выбіраем опцыю "Вельмі прыблізна" то поўнае супадзенне ацэнкі студэнта і выкладчыка дасць бал у 100%, калі адказ на адно пытанне няслушны, то бал будзе 90%, два няслушныя адказы дадуць 80%, тры – 70% і г.д. На першы погляд такая ацэнка здаецца разумнай, і Вы не зусім разумееце чаму яна называецца "Вельмі прыблізнай". Добра, уявіце сабе выпадак, што студэнт робіць абсалютна выпадковую ацэнку, калі пытанні на дзесяць пытанняў даюцца наўздагад. У сярэднім пяць адказаў могуць быць слушнымі. Такім чынам, такая "левая" ацэнка можа даць бал у 50%. Сітуацыя робіцца трохі больш зразумелай, калі мы выкарыстоўваем опцыю "Вельмі прыблізна", тады выпадковасць ацэнкі зніжаецца на 20%. Калі выбраць опцыю "Прыблізна" то выпадковыя здагадкі будуць у большасці выпадкаў зводзіцца к нулю. На гэтым узроўні бал у 50% даецца ў тым выпадку, калі дзве ацэнкі супадаюць у васьмі пытаннях з 10-ці. Калі не супадаюць тры пытанні, тады бал будзе роўны 25%. Калі выбраць опцыю "Дакладна" , то несупадзенне ў двух пытаннях дае бал у 40%. Два недакладныя адказы на пытанні пры выбранай опцыі "Вельмі дакладна" даюць бал у 35%, а адна недакладнасць – 65%.

Гэта прыклад даволі штучны, паколькі большасць ацэнак звычайна складаюцца з элементаў, якія маюць больш значэнняў чым простыя адказы Так і Не. У такіх выпадках, хутчэй за ўсё, параўнанне будзе мець за вынік больш высокія балы ў параўнанні са значэннямі пазначанымі вышэй. Розныя ўзроўні (Вельмі прыблізна, Прыблізна, Дакладна ...) даюцца з тым, каб выкладчык мог як мага больш дакладна вызначыць супастаўленні. Калі выкладчык адчувае, што балы для ацэнак занадта нізкія, то трэба выбіраць опцыю "Прыблізна" ці нават "Вельмі прыблізна" . І, адпаведна, калі ёсць адчуванне, што балы для студэнцкіх ацэнак занадта высокія, то трэба выбраць опцыю "Дакладна" ці "Вельмі дакладна". Гэта сапраўды шлях спробаў і памылак з опцыяй "Прыблізна" у якасці зыходнага пункту.

У час выканання практыкавання выкладчык можа адчуць, што балы, дадзеныя студэнту, альбо занадта высокія, альбо занадта нізкія. Гэтыя балы можна бачыць на Старонцы адміністравання практыкаванняў. У гэтым выпадку выкладчык можа змяніць настройку гэтай опцыі і палічыць балы наноў ("Пераацэнка балаў"). Пераацэньванне робіцца шляхам націскання на спасылку "Перацаніць ацэнкі студэнта" ", якая знаходзіцца на старонцы адміністравання практыкавання. Працэдуру можна рабіць у любы момант выканання практыкавання і гэта не прывядзе да нейкіх скажэнняў.